Banaslys varð á Suðurlandsvegi við Pétursey á mánudagskvöld.
Þetta kemur fram í tilkynningu frá lögreglunni á Suðurlandi á Facebook. Árekstur varð skammt vestan við Pétursey milli dráttarvélar og jeppa.
Einn maður var úrskurðaður látinn á vettvangi. Aðrir slasaðir voru fluttir með þyrlu Landhelgisgæslunnar á Landspítala í Fossvogi. Rannsókn á tildrögum slyssins stendur yfir.