Kristján Þór Magnússon hefur verið ráðinn sviðsstjóri mannauðs- og starfsumhverfis í Mosfellsbæ, en ráðning hans var samþykkt á fundi bæjarráðs í dag.
Minnihluti bæjarráðs, fulltrúar D-lista, sátu hjá við atkvæðagreiðsluna þar sem þeir hefðu ekki haft aðkomu að ráðningarferlinu.
Kristján Þór var áður sveitarstjóri í Norðurþingi í átta ár, en sagði því starfi lausu í fyrravor. Hann leiddi meirihlutasamstarf Sjálfstæðisflokks, Vinstri grænna og Samfylkingar seinustu tvö kjörtímabilin.
