Tvíburarnir Lydia og Timothy Ridgway eiga mánaðarafmæli, fædd 31. október 2022, í Oregonfylki í Bandaríkjunum. En það sem aðgreinir litlu krúttin frá öðrum, svo til nýfæddum börnum, er að það eru hvorki meira né minna 30 ár frá því að fósturvísar tvíburanna voru frystir.
Er um heimsmet að ræða en eldra met var 27 ár.
Davíð, Vigdís og tiu vefsíður
Svona til að setja hlutina í samhengi má nefna að árið 1992, árið sem fósturvísarnir voru frystir, var George Bush, hinn eldri, forseti Bandaríkjanna, John Major var forsætisráðherra Bretlands og Davíð Oddsson gegndi sama embætti hér á landi.
Vigdís Finnbogadóttir var forseti,internetið samanstór af tíu vefsíðum (í dag eru 2 milljarðar) og Rhythm Is A Dancer var vinsælasta lag Íslands, ef einhver man eftir þeim ágæta smelli.
Framlag Íslands til Júróvisjón var Nei eða já með þeim Siggu Beinteins og Sigrúnu Evu og lenti í afar virðingarverðu sjöunda sæti.
Stórfurðulegt ferli
Foreldrar tvíburanna eru þau Philip and Rachel Ridgeway og sagði Philip í viðtali við sjónvarpsstöðina CNN að allt ferlið hafi verið stórfurðulegt en undravert.
Philip var fimm ára þegar að fósturvísarnir voru frystir og grínast hann með að tvíburarnir sé langelstu börnin þeirra þrátt fyrir að vera nýfædd. Hjónin eiga fjögur önnur börn á aldrinum tveggja til átta ára en ekkert þeirra kom í heiminn með hjálp gjafaeggs, gjafsæðis eða tæknifrjóvgunar.
Ridgeway hjónin ættleiddu fósturvísana.
Lágu svo að segja gleymdir
Eggin kom upphaflega frá 34 ára gamalli konu og sæðið fá 50 ára karlmanni, eftir því sem best er vitað fyrir barnlaus hjón, sem af einhverju ástæðum afþökkuðu síðan fósturvísana. Þeir voru því settir í frysti í frjósemisklíník þar sem þeir þeir voru allt til árið 2007.
Þeir voru þá gefnir stofnun sem kallar sig The National Embryo Donation Center í Tennessee, sem gróflega mætti þýða landsmiðstöð fósturvísagjafa. Sú er ekki rekin í hagnarskyni, er að sögn vefsíðu byggð á kristnum gildum, og reynir að finna pör til að taka við „munaðarlausum“ fósturvísum til að forða að þeim verði eytt.
Státar stofnunin sig af því að 1260 börn séu nú komin í heiminn, þökk sé prógramminu.
Það getur aftur á móti ekki hver sem er fengið fósturvísa hjá stofnunni, aðeins er tekið við umsóknum frá giftum einstaklingum – verða þau að samanstanda af líffræðilega fæddum kristnum karlmanni og konu sem hafa verið gift að lágmarki í þrjú ár.
Ridgeway hjónin, sem gjarna vildu bæta í barnahópinn og voru hrifin að hugmyndafræði stofnunarinnar, uppfylltu öll ofangreind skylirði.
Treystu guði
Hjónin segjast ekki hafa verið að reyna að slá eitthvað met, þau hafi aftur á móti óskað eftir að fá fósturvísa sem af einhverju ástæðum hafi „ekki gengið út.” Þau fengu ekki að sjá nein ártöl, aðeins númer sem fósturvísum er úthlutað og eðlilega gerðu þau ráð fyrir að eftir því sem númerið væri lægra, væru fósturvísarnir eldri. Og það eru einmitt þeir elstu sem fæstir vilja af ótta við löng geymsla hafi á einhvern hátt „skaðað“ þá eða „skemmt.“
Samkvæmt gögnum frá hinu virta John Hopkins er almenna reglan að öruggt sé að frysta fósturvísa í tíu ár en sú tala sé hugsanlega mun hærri, það hafi einfaldlega ekki verið rannsakað nótu ítarlega til að gefa upp vísindalega ábyrgan árafjölda.
En hjónin segjast hafa lagst á bæn og guð leiðbeint þeim um að velja „lága“ tölu, sem skilaði sér í fullkomlega heilbrigðum tvíburum.
