Morgunblaðið skýrir frá þessu. Páll Egill Winkel, fangelsismálastjóri, sagði að þessi mikli fjöldi skýrist af nokkrum stórum málum. Þetta séu fíkniefnamál og ofbeldismál og nú síðast árásin á Bankastræti Club í síðustu viku.
Haft er eftir honum að það verði erfitt fyrir fangelsin ef fleiri stór mál koma upp núna. „Það er auðvitað gríðarlega mikið álag að vera með 15 einangrunarfanga. Þetta kallar á meiri mannafla og skipulögð vinnubrögð. Því þarna þarf að tryggja rannsóknarhagsmuni, að fangarnir hittist ekki en þó að réttinda þeirra til útivistar sé gætt. Þetta er býsna flókið en gengur upp,“ sagði hann.
Flestir gæsluvarðhaldsfanganna eru vistaðir á Hólmsheiði en flytja hefur þurft nokkra á Litla-Hraun.
