fbpx
Miðvikudagur 01.febrúar 2023
Fréttir

Stórbruni í verslun á Egilsstöðum

Ritstjórn DV
Miðvikudaginn 28. september 2022 17:03

Mynd: Fréttablaðið/Aðsend

Ekki missa af Helstu tíðindum dagsins í pósthólfið þitt

Lesa nánar

Stórbruni er þessa stundina í útifataversluninni Vaski á Egilsstöðum, verslunin er staðsett að Miðási 7b í bænum.

Í umfjöllun Fréttablaðsins um brunann er rætt við íbúa á svæðinu. Sá segir að um stórbruna sé að ræða. Ekki hefur náðst í brunavarnir á Austurlandi vegna málsins.

Íbúinn sem Fréttablaðið ræddi við telur að líklega hafi kviknað í fatahreinsun sem hafði starfsemi í húsinu. Austurfrétt staðfestir það í sinni frétt um málið.

Þá segir Austurfrétt að fólk sé ekki talið í hættu og að slökkvilið og aðrir viðbragðsaðilar séu á staðnum. Nágrannar verslunarinnar séu beðnir um að loka gluggum auk þess sem fólki er ráðlagt að vera ekki á ferð í nágrenninu.

Einnig segir Austurfrétt að eldurinn hafi komið upp um klukkan 16:20 í dag, sjúkrabílar séu á staðnum en að það sé þó ekki talið að neinn hafi verið í þvottahúsinu þegar eldurinn kom upp.

Hilmar Jökull á Twitter birti eftirfarandi myndband af brunanum.

Hjalti Bergmar Axelsson, aðstoðaryfirlögregluþjónn lögreglunnar á Austurlandi, biðlar til íbúa á Egilsstöðum að koma ekki að vettvangi samkvæmt frétt RÚV. Viðbragðsaðilar séu að störfum og vont ef fólk þvælist fyrir. Hann segir að ekki sé vitað um eldsupptökk en slökkviliðsmenn hafi meðal annars verið að tína gaskúta úr húsakynnum Landsnets til að fyrirbyggja sprengingar.

Dælubíll Isavia frá Egilsstaðaflugvelli hefur verið færður á vettvang og er kominn í gagnið.

Mikinn svartan reykjarmökk leggur nú yfir alla Egilsstaði. Rúnar Snær Reynisson, fréttamaður RÚV á Austurlandi segir að húsið sé gjörsamlega alelda en svo virðist sem að slökkvilið sé að takast að slökkva í þeim hluta hússins sem snýr að Landsneti.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Börn lentu í hrakningum í Grafarholti – Gert að yfirgefa strætó vegna óveðursins

Börn lentu í hrakningum í Grafarholti – Gert að yfirgefa strætó vegna óveðursins
Fréttir
Í gær

Íslenskir bændur leita að ástinni – „Austfirski folinn“ laus og liðugur og fertug ungfrú leitar að „dad-body“

Íslenskir bændur leita að ástinni – „Austfirski folinn“ laus og liðugur og fertug ungfrú leitar að „dad-body“
Fréttir
Í gær

Árás á íranska drónaverksmiðju getur komið sér vel fyrir Úkraínu

Árás á íranska drónaverksmiðju getur komið sér vel fyrir Úkraínu
Fréttir
Í gær

Sérfræðingur skefur ekki utan af því – „Pútín hefur mistekist hrapalega“

Sérfræðingur skefur ekki utan af því – „Pútín hefur mistekist hrapalega“
Fréttir
Í gær

Fréttavaktin: Undiralda í grasrót Vinstri grænna, skóli í skýinu og fataverslun Elvíra

Fréttavaktin: Undiralda í grasrót Vinstri grænna, skóli í skýinu og fataverslun Elvíra
Fréttir
Í gær

Hoppukastalamálið á Akureyri: KA harmar ákærur á hendur sjálfboðaliðum

Hoppukastalamálið á Akureyri: KA harmar ákærur á hendur sjálfboðaliðum
Fréttir
Fyrir 2 dögum

Boris Johnson segir að Pútín hafi hótað honum símleiðis

Boris Johnson segir að Pútín hafi hótað honum símleiðis
Fréttir
Fyrir 2 dögum

Er þetta svar Rússa við vestrænu skriðdrekum Úkraínumanna?

Er þetta svar Rússa við vestrænu skriðdrekum Úkraínumanna?