Héraðsdómur Reykjavíkur hefur komist að þeirri niðurstöðu að vinna við þróun og framkvæmd Ferðagjafar stjórnvalda árið 2020 hafi verið útboðsskyld. Tveir einstaklingar, Sigurjón Ernir Kárason og Steinar Atli Skarphéðinsson, stefndu ríkinu vegna vinnu sinnar við tæknilausn og töldu að ríkið hafi virt útboðsskyldu sína að vettugi. Var niðurstaðan sú að ríkið var dæmt til að greiða hvorum um sig tæpar 3,1 milljón króna í bætur auk 400 þúsund króna málskostnaðar á mann.

Eins og áður segir snýr málið að  Ferðagjöf stjórnvalda þar sem allir Íslendingar, 18 ára og eldri með íslenska kennitölu og lögheimili á Íslandi, fengu 5.000 króna gjöf til þess að nota innanlands.

Tímapressa einkenndi ferlið

Undirbúning verkefnisins annaðist framkvæmdahópur sem samanstóð af fulltrúum Stafræns Íslands á vegum fjármála-og efnahagsráðuneytis, atvinnu-og nýsköpunarráðuneytis, Ferðamálastofu og Samtaka ferðaþjónustunnar. Stafrænu Íslandi var falið að leiða umrædda vinnu og nautvið það liðsinnis Parallel ráðgjafar, sem vann fyrir Stafrænt Ísland á grundvelli útboðs á vegum Ríkiskaupa.

Var talið að verkefnið væri ekki útboðsskylt og sökum tímapressu því fór fram könnum með fyrirspurnum og skoðun á fýsilegum lausnum auk þess sem ýmsir aðilar settu sig í samband við Stafrænt Ísland til að spyrjast fyrir og til að kynna sig og sínar hugmyndir og/eða lausnir. Þar á meðal voru það stefnendurnir, þeir Sigurjón Ernir Kárason og Steinar Atli Skarphéðinsson.

Útboðsskylt samkvæmt hámarksupphæð sem átti að gefa