„Við munum komast í gegnum þetta mótlæti. Rússland er sterkasta landið. Þetta hefur allt saman þjappað Rússum betur saman. Við erum bara orðin enn meiri föðurlandsvinir,“ skrifaði hún í færslunni en hún er með um 130.000 fylgjendur.
En mörgum finnst mikil hræsni búa á bak við orð hennar og segja má að flestar athugasemdirnar við færslu hennar snúist um það.
Ástæðan er að Sonia er í öruggri fjarlægð frá átakasvæðinu því á myndinni situr hún í The Palm Jumeirah í Dubai. Það er þekkt paradís auðkýfinga. Hún þarf því ekki að hafa áhyggjur af að refsiaðgerðir Vesturlanda snerti hana eða lífsstíl hennar.
Meðal þess sem fólk hefur skrifað við færslu hennar er:
„Föðurlandsvinir sem sitja í Dubai með stolna peninga?“
„Og hefur þú hugsað þér að koma til Rússlands og skrifa þetta sama einhvers staðar í Ivanovo (bær í Rússland, innsk. blaðamanns) og ekki í Dubai. Eða nær föðurlandsást þín bara yfir færslur skrifaðar í öðrum löndum?“
