Ótrúlegt myndband fer nú sem eldur um sinu um samfélagsmiðla. Er um að ræða beina útsendingu af því þegar ökumaður stingur lögreglu af eftir að hafa verið stöðvaður og látinn blása. Í lýsingu við myndbandið stendur að viðkomandi hafi verið búinn að drekka 15 bjóra.

Um leið og niðurstaðan kemur stingur ökumaðurinn af en eftir stuttan eltingarleik er viðkomandi handtekinn en þá hefur talsvert gengið á.

Í byrjun myndbandsins, sem er hér neðar í fréttinni,  má sjá ungan mann, sem er á tuttugasta aldurs ári, bíða ásamt lögreglumanni eftir niðurstöðu áfengismælis sem hann hafði áður blásið í. Um leið og niðurstaðan gengur í gegn  tekur ökumaður bifreiðarinnar sig til og segir „Heyrðu við sjáumst“ við lögreglumanninn og brunar af stað á ógnarhraða.

Vekur það mikla kátínu hjá farþegum bifreiðarinnar en lögreglan síður hjá lögreglu sem hefur þegar eftirför.

Ökumaðurinn stöðvar loks bifreiðina og segir þá farþegi bifreiðarinnar sem tekur myndbandið upp: „Heyrðu ég er farinn í fangelsi, við sjáumst bara.“

Stuttu síðar opnar bílstjórinn bílhurðina fyrir lögregluna og er umsvifalaust handtekinn af offorsi. Stynur þá sami farþegi upp eftirfarandi orð. „Djöfulsins hálfviti er Johnny maður“.

Myndbandið, sem tekið var upp fyrr í kvöld, virðist hafa verið tekið upp á Reykjanesbrautinni í grennd við Hafnarfjörð.