Litháinn Arturas Leimontas var í dag sýknaður í Landsrétti af ákæru um manndráp. Landsréttur sneri þar við dómi héraðsdóms sem hafði fundið Arturas sekan og dæmt hann í 16 ára fangelsi fyrir manndráp.
Arturas hafði verið fundinn sekur um að kasta manni fram af svölum þannig að hann féll tæpa 7 metra niður á steypta stétt og lét lífið. Atvikið átti sér stað í desember árið 2019.
Landsréttur taldi að sönnunargögn í málinu sönnuðu ekki sekt Arturas og lagði upp úr því að engin vitni hefðu verið að atvikinu.
