Krónan hefur breytt tveimur strætóskýlum í piparkökuhús þar sem markmiðið er að gleðja bæði vegfarendur og farþega Strætó. Piparkökuskýlin eru staðsett við Sundlaugarveg hjá Laugardalslaug og á gatnamótum Reykjavíkurvegs og Flatahrauns í Hafnarfirði.  

„Margir vegfarendur hafa rekið upp stór augu við það að sjá strætóskýli klætt sem piparkökuhús, bæði í Laugardalnum og Hafnarfirði. Hugmyndin kviknaði þegar jólaandinn færðist nær og okkur langaði að gleðja bæði litla og stóra vegfarendur á ferðinni. Vinir okkar í Tvist komu með þessa skemmtilegu útfærslu og höfum við unnið hörðum höndum með Signa að því að láta piparkökuhúsið lifna við. Það er gaman að geta kallað fram bros og gleði sem er í takt við áherslu Krónunnar um að minnka jólastressið og hafa sem minnst ves í des,” segir Brynja Guðjónsdóttir, staðgengill markaðsstjóra Krónunnar. 

Piparkökuhúsin munu standa til og með 20. desember næstkomandi.