Karlmaður á áttræðisaldri lést af Covid-19 sjúkdómnum á Landspítalanum í gær. Vísir.is greinir frá en ekki hefur birst tilkynning um málið á vef Landspítalans.
Samkvæmt heimildum Vísis hafði maðurinn legið þungt haldinn á gjörgæslu um nokkurn tíma.
Þetta er þriðja Covid-19 dauðsfallið í þessari bylgju faraldursins og hafa öll andlátin átt sér stað á innan við viku. Hinir tveir voru erlendir ferðamenn, annar á sextugsaldri en hinn á sjötugsaldri. Í heildina hafa 33 látist úr sjúkdómnu hér á landi.
