112 er ekki bara símanúmer neyðarlínunnar heldur er það einnig fjöldi þeirra einstaklinga sem greindust með Covid-19 á Íslandi í gær. Þetta kemur fram í uppfærðum tölum á upplýsingavefnum Covid.is. Af þessum 112 sem greindust smitaðir voru 35 óbólusettir og tveir hálfbólusettir. 73 af þeim sem greindust með veiruna voru fullbólusettir.
1.072 einstaklingar eru nú í einangrun vegna veirunnar en 2.590 eru í sóttkví. Þá eru 1.080 í skimunarsóttkví. Fjórtán daga nýgengi innanlandssmita á Íslandi hefur farið hækkandi undanfarna daga en í dag er nýgengið 280,6 á hverja hundrað þúsund íbúa Íslands.
