Eins og komið hefur fram í fjölmiðlum undanfarið hefur Herði Áskelssyni, kantor, organista og kórstjóra Hallgrímskirkju, verið sagt upp störfum og Mótettukórnum úthýst úr kirkjunni.
Einn meðlimur kórsins, Gunnar Örn Gunnarsson, fer hörðum orðum um sóknarnefnd Hallgrímskirkju vegna málsins, í pistli á Facebook-síðu sinni. Þar segir hann:
„Kæru vinir. Í kvöld var síðasta kóræfin Mótettukórsins í Hallgrímskirkju. Eftir að hafa þjónað kirkjunni í nær 40 ár og þar af hef ég verið viðloðandi kórinn síðan 1988 eða í 33 ár, þá hafa yfirvöld kirkjunnar ákveðið að reka okkur. Ekki var óskað eftir okkar þjónustu út mánuðinn eins og áður var búið að ákveða. Það eru kaldar kveðjur sem kórarnir fá ásamt Herði og Ingu Rós frá kirkjunni. En eftir að hafa fylgst með framkomu yfirvalda í Hallgrímskirkju síðustu 3 árin þá kemur ekki á óvart hver staðan er. Það hefur verið stefnt að þessu leynt og ljóst. Það var örugglega ekki ætlunin að kórarnir færu og við höfum hins vegar gert þeim það ljóst að ef það yrði niðurstaðan að þau hjónin færu þá færum við. Og nú er komið að því.
Þrátt fyrir að hafa þjónað kirkjunni með söng bæði á tónleikum og í messum öll þessi ár þá eru þetta þakkirnar. Okkur er einfaldlega hent út með skít og skömmu, ekki gefin á að kveðja söfnuðinn.“
Gunnar segir að aðgerðirnar ættu að verða sóknarnefndinni til ævarandi skammar en kórinn muni halda áfram:
„Megi formaður safnaðarins, prestur og aðrir þeir sem standa að þessum gjörningi eiga við ævarandi skömm.
En kórinn heldur áfram. Kominn með æfingaraðstöðu og fyrstu tónleikar framundan í lok mánaðarins með frábæru prógrammi.“
https://www.facebook.com/permalink.php?story_fbid=2945986522325927&id=100007438245778
