Kórónuveirusmit greindist í Melaskóla í gær. Björgvin Þór Þórhallsson, skólastjóri Melaskóla, sendi foreldrum og forráðamönnum tölvupóst vegna þessa í gær en Vísir greindi frá smitinu í dag.
Nemandi í 7. bekk í skólanum greindist og eru nú allir nemendur bekkjarins, auk umsjónarkennara og fjögurra annarra kennara, komnir í sóttkví. Sóttkvíin varir í viku frá og með gærdeginum. Gripið gæti verið til frekari aðgerða, það veltur á smitrakningarteyminu. Allir sem hafa verið í innan við tveggja metra návist við nemandann í 15 mínútur eða meira munu þurfa að fara í sóttkví.
