Í gærkvöld var lögregla kölluð út vegna bruna í báti við Grandagarð. Gekk vel að slökkva eldinn.

Samkvæmt dagbók Lögreglunnar á höfuðborgarsvæðinu voru 62 mál skráð í kerfi hennar frá því síðdegis í gær og framundir morgun. Var sinnt mörgum málum vegna hávaða og ónæðis, auk þjófnaðarmála og ölvunar.

Lögregla sinnti útköllum vegna flugelda sem skotið var upp í Kórahverfi ásamt því að maður var handtekinn á svæði stöðvar 3 grunaður um þjófnað og önnur brot. Tilkynnt var um slagsmál ásamt því að fjölmörgum hávaðakvörtunum var sinnt auk annarra minniháttar mála.