Landsréttur staðfesti á mánudaginn úrskurð Héraðsdóms Vesturlands frá því í október þar sem aldraður og heilabilaður maður var sviptur fjárræði í tvö ár og honum ráðinn fjárhaldsmaður.

Í dómi héraðsdóms kemur fram að maðurinn hafi verið sjúklingur í 30 ár en hann dvelst á hjúkrunarheimili. Eftir að hann missti sambýliskonu sína hafi hann glímt við mikla vanlíðan og ekki sinnt heilsu sinni sem skyldi. Kjördóttir mannsins fór fram á fjárræðissviptingu yfir honum. Segir í dómi héraðsdóms að ákveðnir hafi leitað til mannsins á dvalarheimilinu og beitt hann þrýstingi til að ráðstafa fjármunum sínum og fasteignum, selja eignir og afhenda fjármuni til óviðkomandi fólks. Maðurinn geri sér ekki grein fyrir afleiðingum þessara ráðstafana en þær séu honum mjög óhagfelldar. Segir að peningar mannsins á bankareikningum hafi minnkað af óútskýrðum ástæðum.

Í dómnum segir:

„Samkvæmt a-lið 4. gr. lögræðislaga er heimilt með úrskurði dómara að svipta mann tímabundið sjálfræði, fjárræði eða hvoru tveggja, ef hann er ekki fær um að ráða persónulegum högum sínum eða fé vegna andlegs vanþroska, ellisljóleika eða geðsjúkdóms eða vegna annars konar alvarlegs heilsubrests, endastandi brýnþörf til og önnur og vægari úrræði í formi aðstoðar hafi verið fullreynd.“

Það var mat heimilislæknis að maðurinn væri ófær um að taka ákvarðanir um fjármál sín. Hann skorti innsæi og skilji ekki mun á tölum.

Var það niðurstaða héraðsdóms að svipta manninn fjárræði í tvö ár. Landsréttur staðfesti síðan þann úrskurð, eins og fyrr segir.

Úrskurði Landsréttar og héraðdóms má lesa hér