Þrjú mál hafa komið inn á borð Lögreglunnar á Norðurlandi eystra undanfarna daga sem varða viðskipti með falsaða 10 þúsund króna seðla. Að mati lögreglunnar eru seðlarnir illa falsaðir en engu að síður hefur það farið fram hjá afgreiðslufólki og hefur tekist að svíkja út vörur og þjónustu út á þá.
Meðfylgjandi er mynd af slíkum seðli.
Í tilkynningu lögreglu vegna málsins segir:
„Við viljum beina því til ykkar að vera á varðbergi gagnvart þessu. Ef ykkur grunar að seðill sé falsaður þá endilega hafið samband við okkur í síma 444-2800 eða í gegn um 112.“
