Í dag er 21 staðfest smit af COVID-19 í landinu í 11 aðskildum málum. Þetta kemur fram í tilkynningu frá Landlæknisembættinu. Í tveimur tilvikum hefur ekki tekist að rekja uppruna smitsins. 173 eru í sóttkví.
Þeir sem eru með staðfest smit hafa verið með einkenni veirunnar en enginn er alvarlega veikur og enginn á sjúkrahúsi. Mikilvægt er að minna á að þeir sem fara í sýnatöku eiga að halda sig heima þar til neikvæð niðurstaða hefur borist.
