Lögreglan á Suðurlandi auglýsir eftir mögulegum vitnum að líkamsárás sem átti sér stað fyrir utan Lyfju á Selfossi um kl. 13:00 í dag, sunnudaginn 24. maí.
Þar er karlmaður á fertugsaldri talinn hafa orðið fyrir árás annars manns sem sagður er hafa slegið þolandann með einhverju áhaldi í höfuðið með þeim afleiðingum að hann er kinnbeinsbrotinn. Meintur gerandi er talinn hafa farið á brott í bíl strax eftir árásina.
Þeir sem kunna að hafa upplýsingar um málið eru beðnir um að hafa samband við 112 og biðja um samband við varðstjóra á Selfossi, eða senda tölvupóst á netfangið 1309@tmd.is
