Björgunarsveitir frá Laugarvatni, Flúðum og Selfossi voru kallaðar út um fimmleytið í dag vegna manns sem hafði dottið í gil  rétt vestan við Geysi. Samkvæmt upplýsingum frá Landsbjörg er talið að maðurinn sé fótbrotinn eftir fallið. Björgunarsveitir þurfa að setja upp fjallabjörgunarkerfi til að hífa manninn upp þar sem á staðnum er mikill bratti og hálka. Því næst þarf að bera viðkomandi nokkurn spotta til að koma honum í sjúkrabíl. Um 14 björgunarmenn sinna verkefninu.

Björgunarsveitin Hafliði á Þórhöfn var á sama tíma kölluð út vegna vélsleða manna sem eru í vandræðum á Hvammsheiði. Talið er að sleðar beggja mannana hafi bilað og að þeir séu strandaglóðar á heiðinni. Björgunarsveitin mun sækja þá að koma þeim til byggða.