Arngrímur Brynjólfsson, skipstjóri Heinaste, hefur verið dæmdur til að greiða sem nemur rúmum átta milljónum króna í sekt, ella sæta tólf ára fangelsi. Dómur féll í Namibíu í morgun.
Arngrímur játaði fyrir dómi í síðustu viku að hafa verið að ólöglegum veiðum í landhelgi Namibíu. Hann var handtekinn í nóvember en í fréttum þarlendra fjölmiðla á þeim tíma kom fram að skipið hafi verið við veiðar á hrygningarsvæðum.
Greint er frá dómnum á Facebook-síðu fréttamiðilsins The Namibian.
