Hannes Hólmsteinn Gissurarson kveinkar sér á Facebook-síðu sinni yfir ummælum Rögnu nokkrar Birgisdóttur. Hannes birtir skjáskot af ummælum Rögnu, sem ku hafa sagt á Facebook: „Sjálfstæðisflokkurinn eru glæpasamtök“. Þessi ummæli virðast hafa sært Hannes því hann spyr: „Er þetta ekki hatursorðræða?“

Færsla Hannesar hefur vakið talsverða athygli en fjölmargar athugasemdir hafa verið skrifaðar við færsluna en hann er jafnframt hafður að háði og spotti á Twitter. Flestir benda á a’ gagnrýni á stjórnmálaflokka eða skoðun flokkist ekki undir hatursorðræðu. Nema þá að viðkomandi skilgreini flokkshollustu sem trúarbrögð. Einn Íslendingur á Twitter skrifar til að mynda: „Af hverju eru hægrimenn svo fkn viðkvæmir?“

Yfir árin hafa hægrimenn oft sakað vinstrimenn um viðkvæmni en svo virðist sem þetta sé að snúast við. Örn nokkur gerir það að umtalsefni í athugasemd við færslu Hannesar. „Það er sá munur á hægrimönnum og vinstrimönnum að hægrimenn fara ekki að grenja þó einhver skjóti á þá. Vinstrimenn hins vegar grenja, og grenja hátt. Fá svo áfallahjálp greidda af skattgreinendum, bætur greiddaraf skattgreiðendum og lögleiða bann við „hatursorðræðu“ svo þeir geti grenjað áfram,“ skrifar hann.

Það vekur jafnframt nokkra athygli að nokkuð margir segjast sammála Rögnu í athugasemdum hjá Hannesi þó vissulega eigi hann skoðanabræður. „Kjósendur sjálstæðisflokksins eru meðvirkir örvitar eða fávitar að koma þessu glæpamönnum til valda,“ skrifar til að mynda Magnús nokkur. Á hinn boginn má nefna Gísla nokkurn sem sárnar að vera tengdur við glæpi. „Er þetta kerlingahelvíti að segja að ég sé glæpamaður, verkamaðurinn borga? skatta af hverri krónu og allt það,“ segir hann.

af hverju eru hægrimenn svo fkn viðkvæmir? pic.twitter.com/iSWzXhCwA3

— sveppi (@sveppalicious) January 25, 2020

Transfólk eru glæpasamtök pic.twitter.com/4tlselewMA

— Sigurður Bjartmar (@sbjartmar) January 26, 2020