Fyrsti leikur Íslands í milliriðli á EM í handbolta verður gegn Slóveníu á föstudag kl. 15. Slóvenar hafa verið sterkir á mótinu og unnu til dæmis Svía.
Á sunnudag spilum við gegn Portúgal en Portúgalir komu mjög á óvart með því að leggja Frakka í fyrsta leik.
Við nætum Norðmönnum á þriðjudag sem eru silfurliðið frá síðustu heimsmeistarakeppni þegar Danir stóðu uppi sem heimsmeistarar.
Á miðvikudaginn spilum við gegn Svíum.
Miðað við frammistöðu Íslands gegn Danmörku og Rússlandi eigum við möguleika á sigri í öllum þessum leikjum. En ef við leikum eins og gegn Ungverjalandi í dag geta þeir allir tapast.
