Þessir listar geta fjallað um allt milli himins og jarðar en það kemur fyrir að Ísland detti í sæti á ýmsum listum. Núna í dag deildi síðan einmitt lista þar sem Ísland kemst í sæti. Listinn fjallar um það hversu miklu einstaklingar eyddu í bjór á árinu 2018 í hverju landi fyrir sig.
Það ætti að koma fáum á óvart að Ísland er í efsta sæti á listanum en áfengisverð hér á landi er mun hærra en gengur og gerist annars staðar. Auk þess verða Íslendingar seint þekktir sem bindindisfólk þegar kemur að áfengi.
Listann má lesa hér fyrir neðan en eins og sjá má á honum eyddu Íslendingar tæplega 90 þúsund krónum í áfengi á árinu 2018. Við eyddum rúmum 20 þúsund krónum meira en Írland sem situr í öðru sæti. Þá eyddum við rúmlega tvöfalt meira í áfengi en íbúar Kanada sem sitja í 10. sæti.
Ísland: 87.391 krónur
Írland: 66.566 krónur
Ástralía: 62.475 krónur
Nýja Sjáland: 60.988 krónur
Sviss: 58.881 krónur
Holland: 49.708 krónur
Austurríki: 49.212 krónur
Bretland: 47.353 krónur
Spánn: 43.014 krónur
Bandaríkin: 42.890 krónur
Kanada: 41.898 krónur
Nokkrir Íslendingar hafa tjáð sig um listann á Twitter en fjölmiðlamaðurinn Atli Fannar Bjarkason er meðal þeirra sem gera það. „Plot twist: Öll fengu þau jafn mikinn bjór fyrir peninginn,“ sagði Atli en það hefur lengi verið umtalað hér á landi hvað áfengi er dýrt hér miðað við í öðrum löndum.
