Ole Gunnar Solskjær, stjóri Manchester United, er hættur við að selja miðjumanninn Nemanja Matic.
Búist var sterklega við því að Matic myndi kveðja United í janúar en Inter Milan hefur áhuga á honum.
Honum var sagt að hann ætti ekki framtíðina fyrir sér á Old Trafford en Solskjær er búinn að skipta um skoðun.
,,Nemanja verður hér áfram. Hann hefur lagt hart að sér til að komast aftur í liðið og nú spilar hann vel,“ sagði Solskjær.
,,Það er alltaf möguleiki á nýjum samningi. Það veltur á því sem þú gerir á vellinum.“
