Stefan Octavian hefur oft verið þekktur sem fyrsta íslenska klámstjarnan. Í viðtali við mbl.is sem birtist í dag sviptir Stefan hulunni af fíkniefnaneyslu háttsetts fólks á Íslandi en hann staðhæfir að fólk á Alþingi sé ekkert betra en fólk í klámheiminum.

Það vakti mikla athygli fyrir nokkrum árum þegar Stefan, sem er aðeins 21 árs gamall, steig fram opinberlega sem fyrsta klámstjarna Íslands. Kemur hann fram undir sviðsnafninu Charlie Keller en upphaflega var ætlun hans að halda starfinu leyndu, að minnsta kosti fyrst um sinn. Fiskisagan flýgur hins vegar hratt hér á Íslandi og þegar Stefan komst á snoðir um að íslenskur fjölmiðill ætlaði að fjalla um starfsvettvang hans sá hann sig knúinn til þess að láta ástvini sína vita og opna umræðuna.

Nú er Stefan hins vegar hættur í kláminu. Hann vinnur nú í fylgdarþjónustu en hann ræddi við mbl.is um starfið. „Það er hátt­set fólk hjá banda­ríska rík­inu sem kaup­ir þjón­ustu af mér. Þú get­ur farið út að borða, þú get­ur farið í ferðalag með ein­hverj­um. Þetta er rosa oft einmana fólk sem á allt of mikið af pen­ing­um. Stundum hitti ég gifta ein­stak­linga sem eru í felu­leik en kom­ast ekki út úr skápn­um vegna ótta,“ sagði Stef­an.

„Þetta lið er að taka í nefið á sér“

Í viðtalinu segir Stefan frá sinni heitustu ástríðu um þessar mundir en það  er heimildarmynd um fíkniefnaneyslu sem hann er að vinna að. Með myndinni vill Stefan sína að fíkniefnaneysla sé ekki bara tengd klámiðnaðinum heldur sé að finna hana í öðrum kimum samfélagsins, meðal annars á Alþingi.

„Ég var að vinna á veit­ingastað niðri í bæ fyr­ir nokkr­um árum og þangað kom margt stjórn­mála­fólk og banka­fólk í mat. Þetta lið er að taka í nefið á sér. Ég er ekki að segja að all­ir geri þetta,“ segir Stefan í viðtalinu en hann staðhæfir að fólk á Alþingi séu ekkert betri borgarar en fólk í klámheiminum.

Stefan kynntist manni sem varð kveikjan að þessari heimildarmynd. „Það var 72 ára maður sem sat fyr­ir fram­an mig og sagði mér að hann hefði byrjað í neyslu fyr­ir sex árum. Í fyrsta skipti sem hann notaði sprautaði hann sig. Hann á konu, börn og barna­börn en hann er hommi. Hann er hátt­sett­ur fjár­fest­ir í Nevada-ríki. Ég fylgd­ist með hon­um lengi. Ég get ekki dæmt fólk, ég hef verið um­deild­ur, af hverju ætti ég að fara dæma ein­hverja aðra? Ég hef ekki efni á að dæma fólk. Ég lærði það eft­ir sam­bands­slit­in hjá mér að mér er sama hvað annað fólk er að gera svo lengi sem það er ekki að skaða hvert annað.“

Stefan segist vera búinn að rannsaka lífið hjá þeim sem eru í neyslu en næsta skrefið í gerð heimildarmyndarinnar er að tala við sérfræðinga og aðstandendur fíkla.