Vefritið Traveller hefur tekið saman tíu heitustu áfangastaði liðins áratugar og það þarf svo sem ekki að koma mikið á óvart að Ísland er á listanum.
Ferðamannastraumurinn til Íslands tók mikinn kipp um miðjan áratuginn; samkvæmt tölum Ferðamálstofu voru þeir 997 þúsund árið 2014 en rúmlega 2,3 milljónir árið 2018.
Í umsögn Traveller um Ísland segir:
„Ef þú myndir spyrja hóp af fólki af því hvaða land væri efst á óskalistanum að heimsækja þá myndirðu eflaust heyra minnst á Ísland,“ segir í greininni. Þá er haft eftir Jacob Marek, stofnanda IntroverTravels, að Ísland hafi nánast á einni nóttu orðið heitasti áfangastaður heims.
Af öðrum áfangastöðum sem notið hafa vinsælda og eru nefndir í grein Traveller eru Króatía, Taíland, Perú, Frakkland, England, Víetnam, Marokkó og Ástralía.
Hér má sjá umfjöllun Traveller.
