Tónlistarmaðurinn ástsæli Páll Óskar mun halda áramótaball á Spot en það var tvísýnt. Hann skýtur þó á rekstraraðila staðarins í færslu á Facebook.
„Nýjustu fréttir. Sýslumaðurinn í Kópavogi gaf Spot vínveitingaleyfi núna rétt í þessu. Áramótaballið mitt er ON. Miðasalan stendur enn yfir á www.midi.is. Nú verður stillt upp hljóðkerfi og ljósum og Palla-skreytingum það sem eftir lifir dags,“ segir Páll Óskar.
Hann skýtur þó á Árna Björnsson, eiganda Spot, og skrifar: „Þeir sem vilja fagna nýjum áratug með mér eru hjartanlega velkomnir á Spot. Árni á Spot á engar þakkir skildar fyrir sína eigin handvömm. Aftur á móti sendi ég kærar kveðjur til sýslumannsins í Kópavogi. Takk fyrir að bjarga ballinu. Gleðilegt ár. Páll Óskar.“
