Héraðsdómur Reykjavíkur hefur hafnað kröfu lögreglustjórans á Höfuðborgarsvæðinu um áframhaldandi gæsluvarðhald yfir Kristjáni Gunnari Valdimarssyni, lektor við HÍ, og hefur hann því verið látinn laus. Niðurstaðan hefur verið kærð til Landsréttar.
Þetta kemur fram í tilkynningu frá lögreglunni. „Lögreglustjóri lagði kröfuna fram á laugardag en dómari tók sér frest til hádegis í dag til að taka afstöðu til málsins. Krafan var lögð fram á grundvelli rannsóknarhagsmuna og til að varna því að sakborningur haldi áfram brotum meðan málum hans er ekki lokið,“ segir í henni.
