Nú færist nýja árið sífellt nær og margir kveðja það gamla með því að fara á brennu. Hér eru fimm hlutir sem væru best geymdir í logunum.
Þarf eitthvað að flækja þetta í fleiri mánuði og ár? Hendum bara gömlu stjórnarskránni á bálið og búum til nýja þar sem réttindi allra borgara eru tryggð í bak og fyrir, ekki bara þeirra sem eru með djúpa vasa.
Það er búið að berjast fyrir hækkun launa þeirra verst settu en betur má ef duga skal. Skitnar þrjú hundruð þúsund krónur á mánuði fleyta fjölskyldufólk ekki langt og því hægt að brenna launaseðlana á táknrænan hátt.
Hvernig datt MS í hug að breyta kurlinu? Það er ein af stóru ráðgátum þessara jóla og eiginlega magnað að ekki hafi orðið meira fjaðrafok yfir þessri nýju jógúrt. Á bálið með hana!
Vertu besta útgáfan af sjálfum þér, dúndraðu þessum klisjukenndu hvatningarorðum í ramma beint í logandi eldinn og byrjaðu að lifa lífinu samkvæmt þinni eigin sannfæringu, ekki einhverjum orðum á blaði. Þessir rammar eru líka svo hallærislegir að það hálfa væri nóg.
Gamla árið er að kveðja og það nýja að heilsa. Þá er lag að losa sig við allar brostnu væntingarnar, glötuðu draumana og fólkið sem hefur verið ömurlegt við þig árið 2019. Taktu á móti 2020 með opnu hjarta og hreinum skildi.
