Nóttin var erilsöm hjá lögreglunni á höfuðborgarsvæðinu, mikið var um útköll þar sem fólk var í annarlegu ástandi. Tilkynnt um umferðaróhapp í hverfi 108. Annar ökumaðurinn, kona er grunuð um ölvun við akstur.  Konan var með ungt barn sitt í bifreiðinni og var að brjóstfæða barnið er lögregla kom á vettvang.  Konan var vistuð í fangageymslu fyrir rannsókn máls og kom faðir barnsins  á vettvang og sótti barnið.  Tilkynning send til Barnaverndar.

Á tíunda tímanum voru aðilar handteknir á heimili í hverfi 101.  Fólkið er grunað um vörslu fíkniefna og brot á vopna- og lyfjalögum.  Fólkið var vistað fyrir rannsókn máls í fangageymslu lögreglu.

Ofurölvi maður handtekinn á bar í hverfi 101 eftir miðnætti.  Maðurinn er grunaður um brot á lögreglusamþykkt og var vistaður í fangageymslu lögreglu. Afskipti voru höfð af konu á bar í hverfi 101. Konan vildi ekki yfirgefa staðinn og var vísað út.  Þegar lögreglukona var að rétta konunni veski hennar og yfirhöfn þá sparkaði konan í lögreglukonuna.  Konan var handtekinn og færð á lögreglustöð en látin laus að lokum viðræðum.

Á fjórða tímanum var tilkynnt líkamsárás við bar í hverfi 101.  Maður kemur úr leigubifreið,  ræðst á tvo menn sem þar voru og lemur þá með flösku.  Árásarmaðurinn náði að hlaupa á brott.  Ekki er vitað um meiðsl árásarþola.

Tilkynnt var einnig um innbrot, heimili í hverfi 101.  Spenntur upp gluggi og farið inn en talið að viðkomandi hafi forðað sér þegar innbrotskerfi fór í gang.