Bíl var um helgina ekið upp á hringtorg við Njarðarbraut. Þar endaði hann ofan á grjóti og satur fastur. Þurfti dráttarbíl til að lyfta bílnum ofan af grjótinu og fjarlægja hann.

Þetta kemur fram í tilkynningu frá Lögreglustjóranum á Suðurnesjum og þar segir einnig frá þessu:

Rúmlega þrítugur ökumaður sem lögreglan á Suðurnesjum hafði afskipti af hafði aldrei öðlast ökuréttindi. Tveir ökumenn voru svo grunaðir um akstur undir áhrifum fíkniefna. Annar þeirra var með fíkniefni í fórum sínum.

Tvö innbrot voru enn fremur tilkynnt til lögreglu um helgina. Brotist var inn í bát í Njarðvíkurhöfn og farið í lyfjaskáp. Ekki er ljóst hvort einhverju var stolið.

Þá var brotist inn í bíl sem skilinn hafði verið eftir við hringtorg í Vogum. Eigandi bílsins saknaði heyrnartóla og hlaupaúrs sem í bílnum voru.