Lögreglan á Suðurnesjum handtók karlmann um helgina sem er grunaður um að hafa brotið lög um atvinnuréttindi útlendinga. Var maðurinn með tíu manna hóp í Bláa lóninu og reyndist hann ekki vera með atvinnuréttindi hér. Hann var færður til skýrslutöku á lögreglustöð og viðurkenndi að hafa verið með hópinn á sínum snærum. Hins vegar  neitaði hann að hafa stundað fararstjórn hér á landi.

Þetta kemur fram í tilkynningu frá Lögreglustjóranum á Suðurnesjum og einnig þetta:

Lögreglan setti upp umferðarpóst á Njarðarbraut um helgina til að athuga réttindi og ástand ökumanna. Rúmlega 40 bílar voru stöðvaðir og allir ökumennirnir voru með sitt á hreinu.

Hins vegar voru 34 ökumenn staðnir að því að leggja ólöglega við Flugstöð Leifs Eiríkssonar.

Fáeinir voru svo staðnir að hraðakstri í umdæminu.