Lögreglan á höfuðborgarsvæðinu hefur sent frá sér yfirlýsingu um brunann í Vesturbergi 4 á föstudag. Samkvæmt henni eru eldsupptök enn ókunn:

„Lögreglan á höfuðborgarsvæðinu rannsakar nú bruna sem kom upp í Vesturbergi í Reykjavík í lok síðustu viku. Vinnu á vettvangi lauk í dag, en ekki hefur enn verið staðfest af hvaða völdum eldurinn kviknaði. Rannsókn málsins heldur áfram og er í höndum rannsóknardeildar lögreglustöðvarinnar á Dalvegi sem nýtur aðstoð sérfræðinga í tæknideild embættisins. Engar frekari upplýsingar er hægt að gefa á þessu stigi málsins.“

Eins og kom fram í frétt DV í dag er íbúi í Vesturbergi 4, Anna Kristbjörg Jónsdóttir, sannfærð um að kveikt hafi verið í og segir hún að eldurinn hafi komið upp á tveimur stöðum. Sjá nánar hér.