Heitavatnslaust verður á höfuðborgarsvæðinu vestan Snorrabrautar/Bústaðavegs fram til klukkan 08:00 á morgun. Þetta kemur fram í tilkynningu frá Veitum.

„Vegna bilunar verður heitavatnslaust lau 21. desember kr. 13:45 – sun 22. desember kl. 08:00. “

Fólki er bent á að skrúfa fyrir alla heitavatnskrana á heimilinu til að draga úr slysahættu sem á hættu á eignatjóni sem gæti orðið þegar vatnið verður sett á að nýju. Glugga ætti að hafa lokaða og ekki hafa útidyr opnar lengur en þörf krefur til að ekki kólni inn á heimilum.

Samkvæmt frétt Vísis um máið þá fannst alvarlegum leki í einni af aðalæðum hitaveitu Veitna um hádegisbilið í dag. Reynt hefur verið að draga úr lekanum svo hægt væri að bíða með viðgerð fram á kvöldið, en þær tilraunir báru ekki árangur sem erfiði.

Samkvæmt veðurspá fyrir kvöldið og nóttina verður hiti um frostmark og því ljóst að á einhverjum heimilum sem bilunin hefur áhrif á verður kalt í nótt.