Vörubíll lenti á hliðinni í snjóskafli í Langadal, norðan við Blönduós um miðnætti. Ekki olli veður slysinu heldur misreiknaði bílstjórinn sig er hann mætti öðrum bíl, fór of nálægt vegöxlinni og hún gaf sig.
Ekki þurfti að kalla eftir aðstoð vegna atviksins í nótt en bílstjórinn fékk far til Reykjavíkur eftir að lögregla hafði tekið skýrslu.
Björgunarsveitarfólk náði í dag að koma bílnum upp á veg aftur. Jafnframt var farminum bjargað og hann fluttur til Akureyrar.
Vegfarandi tók meðfylgjandi ljósmynd á vettvangi.
