Þann 21. desember mun Samband ungra sjálfstæðismann (SUS) bjóða í jólaglögg. Í pósti sem SUS sendi til að auglýsa viðburðinn kemur fram að ekki séu allir velkomnir, en þar er sérstaklega átt við Pírata.

„Kæru vinir! Eftir nokkurra vikna tilraunastarfsemi hefur stjórn SUS tekist að búa til hið fullkomna jólaglögg. Svolgrið því endilega niður með okkur laugardagskvöldið 21. desember kl. 20 í Valhöll. Allir velkomnir að Pírötum undanskildum. Kær kveðja, Stjórn SUS“

Ekki er vitað hví Píratar fá ekki aðgang að skemmtuninni, en ástæðan er mögulega pólitísk. Þó er líklega um einhversskonar brandara að ræða.

Á Facebook-eventi sem gerður hefur verið fyrir viðburðinn kemur þó ekkert fram um Pírata eða þá hvort að þeir séu í velkomnir í teitið.