Verslanir í Kringlunni sögnuðu alls rúmlega 2 milljónum króna á góðgerðardaginn Af öllu hjarta, sem fram fór 19. september síðastliðinn í Kringlunni.

Góðgerðadagurinn Af öllu hjarta er verkefni sem Kringlan hleypti af stokkunum fyrir nokkrum árum og í því felst að einn dag á ári gefa verslanir og veitingastaðir hússins 5% af veltu dagsins til góðs málefnis. Að þessu sinni var dagurinn í Kringlunni helgaður Foreldrahúsi – Vímulausri æsku, sem safnar fyrir eigin húsnæði undir starfsemina.

Samstillt átak verslunareigenda í einni stærstu verslunarmiðstöð landsins áorkar miklu til samfélagslegs málefnis af þessu tagi auk þess sem félagið fær ómetanlegt tækifæri til kynningar og fræðslu. Söfnunarféð  rúmlega 2 milljónir króna mun koma félaginu að miklu gagni við að veita sem bestan stuðning til ungmenna í vímuefnavanda sem og fjölskyldum þeirra.

Á myndinni tekur framkvæmdastýra Foreldrahúss, Berglind Gunnarsdóttir Strandberg, við ávísun úr höndum forsvarsaðila Kringlunnar, þeim Sigurjóni Erni Þórssyni framkvæmdastjóra og Baldvinu Snælaugsdóttur markaðsstjóra.