Tuttugu og fimm ára gamall maður var í dag dæmdur í Héraðsdómi Reykjavíkur fyrir alls 14 afbrot. Langflest snúast um smáþjófnaði eða vörslu fíkniefna. Ekkert afbrotanna er mjög alvarlegt en maðurinn fékk engu að síður níu mánaða fangelsisdóm og er refsingin ekki skilorðsbundin.
Elsta brotið er frá sumrinu 2017 en þá stal maðurinn flösku af Scottish Leader viskí úr verslun ÁTVR að Dalvegi í Kópavogi. Andvirði flöskunnar er tæplega 6.000 krónur.
Í desember árið 2107 fór maðurinn í alla vasa á yfirhöfnum og buxum manns í spilakassasal í Hafnarfirði og stal af honum N0kia-síma og 28.000 krónum í peningum.
Eitt afbrotið af þessum langa lista er þjófnaður á 9 dósum af Egils Gull hálfslítra bjórdósum úr Vídeómarkaðnum í Hamraborg 20 í Kópavogi.
