Síbrotamaður var dæmdur í fimm mánaða mánaða skilorðsbundið fangelsi fyrir Héraðsdómi Reykjaness þann 12. desember, fyrir langan lista af afbrotum, þar á meðal fyrir vörslu barnakláms. Athygli vekur hvað dómurinn er vægur miðað við hvað maðurinn var sakfelldur fyrir mörg afbrot en dóminn má lesa hér.

Maðurinn, sem ekki er nafngreindur í dómnum, er meðal annars sakfelldur fyrir að hafa haft í sinni vörslu „á Iphone farsíma (raðnúmer […]), eitt myndskeið sem sýnir börn á kynferðislegan eða klámfenginn hátt, en farsíminn var haldlagður þann 26. september 2018 vegna rannsóknar lögreglu á öðru máli,“ eins og segir í dómnum. Atvikið átti sér stað 22. janúar árið 2018.

Maðurinn var einnig ákærður fyrir bílþjófnað, eignspjöll, þjófnað á vespu, fyrir að hafa stolið peningum úr spilakössum og margt fleira. Sum af þessum brotum framdi maðurinn í félagi við tvo aðra menn og var réttað yfir þeim saman.

Maðurinn með barnaklámð var sem fyrr segir dæmdur í fimm mánaða skilorðsbundið fangelsi.