Myndin hér fyrir ofan var tekin á Akureyrarflugvelli síðastliðið föstudagskvöld. Þar má sjá Þórdísi Kolbrúnu Reykfjörð Gylfadóttur, Sjálfstæðiskonu og ferðamála-, iðnaðar- og nýsköpunarráðherra, bíða eftir flugi ásamt Björgólfi Jóhannssyni, nýjum forstjóra Samherja. DV er ekki kunnugt um aðdraganda þess að Þórdís settist niður með Björgólfi en vökull borgari tók myndina.

Líkt og flestir vita sýndi umfjöllun Kveiks og Stundarinnar fram á að Samherji hafi greitt embættismönnum og stjórnmálamönnum í Namibíu mörg hundruð milljónir króna í mútur til að komast yfir fiskveiðikvóta við strendur landsins. Þetta eiga gögn sem Wikileaks hefur birt að sýna.

Kristján Þór Júlíusson sjávarútvegsráðherra hefur verið gagnrýndur fyrir tengsl sín við Samherja en Þorsteinn Már Baldvinsson, fyrrverandi forstjóri Samherja, er æskuvinur hans. Af myndinni hér að ofan að dæma þá er hann ekki eini ráðherra Sjálfstæðisflokksins með góð tengsl við Samherja.