Óskað var eftir aðstoð lögreglu um sex leytið í morgun vegna þriggja manna sem voru með leiðindi og ógnandi hegðun gagnvart starfsfólki verslunar í Árbænum. Í skeyti frá lögreglu kemur fram að lögregla hafi haft afskipti af mönnunum skömmu síðar. Var þeim leyft að fara eftir að lögregla hafði rætt við þá.
Morguninn hefur gengið stóráfallalaust fyrir sig í umdæmi lögreglunnar á höfuðborgarsvæðinu. Skráningarnúmer voru fjarlægð af fimm bílum í austurbænun en þær voru ýmist ótryggðar eða óskoðaðar. Þá var tilkynnt um eitt innbrot í bíl en ekki liggur fyrir hverju var stolið.
