Fyrrverandi verslunarstjóri í Bónus við Langholt á Akureyri hefur verið sakfelldur fyrir þjófnað úr versluninni og peningaþvætti. Maðurinn mínusfærði í 18 tilvikum í afgreiðslukössum verslunarinnar eins og viðskiptavinir væru að skila vörum og tók pening úr kössunum sem samsvaraði mínusfærslunum. Heildarupphæð færslanna var rúmlega 350.000 krónur.
Maðurinn sem er með hreint sakavottorð játaði afbrotin.
Hann var dæmdur í þriggja mánaða skilorðsbundið fangelsi og til greiðslu þóknunar til verjanda síns, 151.280 krónur.
Dómurinn var kveðinn upp í Héraðsdómi Norðurlands eystra.
