Banaslys varð þegar ekið var á gangandi vegfaranda á Þjóðvegi 1, skammt frá bænum Viðborðsseli í Hornafirði, síðdegis í gær. Frá þessu greinir fréttavefur mbl.is.
Í skeyti sem lögregla sendi í gærkvöldi kom fram að slysið hefði verið tilkynnt til neyðarlínunnar klukkan 17.30. Vegurinn var lokaður fyrir allri umferð eftir slysið og urðu töluverðar tafir fram eftir kvöldi. Rannsóknarnefnd samgönguslysa var kölluð á vettvang ásamt tæknideildarmönnum frá lögreglunni á höfuðborgarsvæðinu.
