Lögregla og sjúkraflutningamenn eru nú við vinnu á vettvangi alvarlegs umferðarslyss á Þjóðvegi 1 skammt frá bænum Viðborðsseli í Sveitarfélaginu Hornafirði. Þar varð gangandi vegfarandi fyrir bifreið. Slysið var tilkynnt til neyðarlínu um kl. 17:30 og er vegurinn nú lokaður allri umferð en unnt verður að hleypa henni framhjá vettvangi með umferðarstjórnun mjög fljótlega. Rannsókn mun hins vegar taka töluverðan tíma og því má búast við umferðartöfum á vettvangi fram eftir kvöldi.
Rannsóknarnefnd samgönguslysa er á leið á vettvang ásamt tæknideildarmönnum Lögreglu Höfuðborgarsvæðisins til vinnu við vettvangsrannsókn.
Fréttin verður uppfærð ef frekari upplýsingar berast í kvöld.
Lögreglan á Suðurlandi greindi frá í tilkynningu.
