Ungur erlendur maður sem býr í Reykjanesbæ hefur verið dæmdur í fjögurra mánaða fangelsi fyrir alls sjö þjófnaðarbrot þar sem verðmætum var stolið úr verslunum. Maðurinn var með skilorðsbundinn dóm á bakinu fyrir og var það virt til refsiauka. Maðurinni játaði hins vegar brot sín og var það honum virt til refsilækkunar.
Athygli vekur að fjögur af brotunum sjö voru framin sama daginn. Fyrsta brotið á listanum er frá 29. janúar 2018 en þá á maðurinn í félagi við annan mann að hafa stolið vörum í Elko Skeifunni í Reykjavík upp á tæplega 30.000 krónur. Þann 5. apríl 2018 stal hann ódýru bílaútarpstæki úr sömu verslun.
Síðan tekur við fjögurra brota hrinan þann 12. júlí 2019. Stal hann þá dýrum tölvuskjá úr Tölvulistanum og síðan vörum upp á 350.000 krónur úr Elko í Kópavogi. Sama daga stal hann dýrum snjallsíma úr Nova í Smáralind og öðrum slíkum úr Nova Kringlunni.
Þann 19. júlí stal hann fartölvu að verð mæti rúmlega 50.000 krónur úr Computer.is
Maðurinn var dæmdur í fjögurra mánaða fangelsi og til greiðslu alls sakarkostnaðar.
