Texti á plakati sem hefur verið hengt upp víða í Hagaskóla hefur vakið nokkra athygli á samfélagsmiðlum. Þar segja nemendur fordómum stríð á hendur. „Hættið að nota orðið hommi á niðurlægjandi hátt. Það er ekki til gild afsökun. Öllum er sama þótt manneskjan sem þú sagðir þetta við finnist þetta í lagi. Öllum er sama þótt svo að þú meintir það ekki á lélegan hátt. Kannski er samkynhneigð manneskja sem heyrði í þér og tók því illa. Í raun verður þessi minning bara með þér í örfáar mínútur, en einhver annar mun hugsa um þetta í mun lengri tíma,“ segir á plakatinu

Krakkarnir segja að það sé kominn tími á að þetta hætti. „Fyrir þér ertu bara að spýta einhverju út úr þér. Þú ert bara að segja eitthvað í flýti því allir segja það og það skiptir engu máli hvað ég segi við þessa einu veru. En fyrir aðra er þetta tákn um að þau séu ekki velkomin hér. Að það sé eitthvað að þeim einungis fyrir að laðast að sama kyni. Það er löngu komin tími á að þetta stoppi,“ segir á plakatinu.

Krakkarnir segja þó enn meira. „Hættið að biðja lesbíur og tvíkynhneigðar konur um að kyssast. Þú myndir aldrei spyrja gagnkynhneigt par um þetta. Það stanslaust verið að ýta þessum konum í eitthvað sem þær vilja kannski bara ekkert gera. Öllum er skít sama hvort þú upplifir gleði þegar þú sérð þetta. Hvenær, hvar og ef konur kyssast er svo langt frá því að vera þitt vandamál, vinsamlegast notaðu orku þína í eitthvað annað en að láta fólki líða óþægilega,“ segir á þessu vinsæla plakati.

Krakkarnir benda á að fólk geti verið allskonar. „Trans kona er KONA. Trans Maður er MAÐUR. Nonbinary manneskja er NONBINARY MANNESKJA. Trans konur sem eru í jakkafötum eru samt valdi konur. Trans menn sem eru í kjólum eru samt valdi menn. Nonbinary fólk sem hallast meira að einni kyntjáningu eru samt valdi nonbinary fólk,“ segja krakkarnir.

Að lokum eru krakkarnir með einföld skilaboð: „Hættið að láta eins og fífl og komið fram við fólk af virðingu.“