Listakonan Fanndís hefur kallað eftir hjálp netverja og lesenda DV en fágætu glerlistaverki hennar var stolið í gær. Greint var frá atvikinu í dagbók lögreglu og segir þar:

18:00     Tilkynnt að glerlistaverki og mögulega fleiri verkum hafi verið stolið úr galleríi í hverfi 101.

Í tilkynningu sinni um málið segir Fanndís:

Vil biðja ykkur á samfélagsmiðlunum um aðstoð
Í gær þann 4. Nóvember lenti ég í því að glerlistaverki mínu var stolið í miðborg Reykjavíkur.
Um er að ræða verk sem er eitt sinnar tegundar og bjó ég það til með eigin höndum í glerblæstri og því auðvelt að þekkja.
Ef þið hafið einhverja upplýsingar um verkið megið þið endilega hafa samband við mig.
Endilega deila þessu vítt og breitt svo að það fari ekki framhjá neinum að þetta er stolið listaverk ef það dúkkar upp einhverstaðar og gera þjófinum erfiðara um vik.
Við litlu listamennirnir setjum hjarta og sál okkar í sköpun verka okkar og er það virkilega slæmt högg á okkur þegar við verðum fyrir stuldi líkt og ég varð fyrir í gær bæði fjárhagslega og tilfinningalega.
Það rífur illa í hjartað að svona sé gert, þegar ég er í sköpunar gír bý ég til verk sem eru ávalt ein sinnar tegundar og það yljar manni um hjartað þegar þau fá góð heimili sem að kunna að meta þau

Þeir sem hafa upplýsingar um málið eru beðnir um að hafa samband  í skilaboðahólfið á Facebook-síðu listakonunnar.