Einn farþega bíls sem lenti í umferðarslysi á Snæfellsnesi í gær hefur verið úrskurðaður látinn samkvæmt upplýsingum frá lögreglunni á Vesturlandi.
Fimm erlendir ferðamenn voru í bifreiðinni er ökumaður missti stjórn með þeim afleiðingum að bifreiðin fór út af vegnum og valt nokkrar veltur.
Einn er látinn, annar er mjög alvarlega slasaður.
Samkvæmt frétt Vísis voru hinir slösuðu fastir undir bílnum.
Rannsókn á tildrögum slyssins stendur enn yfir.
