Hjörtur Hjartarson hefur verið ráðinn til starfa sem mannauðsráðgjafi í mannauðsdeild Hrafnistuheimilanna. Frá þessu er greint á vef Hrafnistu.
Hjörtur hefur víðtæka stjórnunarreynslu frá fyrri störfum sem deildarstjóri, vaktstjóri, ritsjóri og umsjónamaður ýmissa þátta í útvarpi og sjónvarpi.Í fyrrasumar vakti hann mikla athygli þegar hann var sendur heim af HM í Rússlandi. Það gerðist eftir að hann mætti ölvaður á blaðamannafund landsliðsins og eftir að RÚV lagði fram kvörtun á hendur honum fyrir að hafa áreitt Eddu Sif Pálsdóttur.
Edda kærði hann fyrir líkamsárás árið 2012 en málið. Hermt er að atvikið átti sér stað þegar val á Íþróttamanni ársins fór fram á Grand Hótel. Samkvæmt heimildum DV á sínum tíma veittist Hjörtur að Eddu inni á salerni staðarins, en farið var með hana á bráðamóttöku Landspítalans þar sem hún fékk áverkavottorð. Málið fór þó ekki fyrir dóm þar sem þau náðu samkomulagi og Hjörtur viðurkenndi fulla ábyrgð.
Hjörtur, sem að hans sögn hafði verið án áfengis í lengri tíma og fallið á bindindinu þennan dag í Rússlandi, var í kjölfarið á því staðráðinn í taka á sínum málum á ný. Í kjölfar atviksins sendu 102 konur í fjölmiðlum frá sér yfirlýsingu vegna hegðunar, þar sem þær kröfðust þess að yfirmenn fjölmiðla í landinu tryggðu öryggi þeirra og annarra starfsmanna á vinnustað. Mótmæltu þær því að í stéttinni starfaði maður sem hafi ítrekað áreitt og beitt samstarfsfólk sitt ofbeldi.
Á vef Hrafnistu segir að Hjörtur hafi unnið lokaverkefni sitt í mannauðsstjórnum í samvinnu við Vodafone en það fjallaði um innleiðingu sveigjanlegs vinnutíma hjá fyrirtækinu. Hann kannaði hvaða áhrif sveigjanlegur vinnutími hefur á líf fólks, hvort sem um ræðir í vinnu eða einkalífi.
